“Уяхан хорвоон хань”

Уяхан хорвоон хань мину зээ Учран жаргах амь буюу чи... Сайхан дуу. Даанч Ж.Бадраа үгийг тэрлэж, С.Чойсүрэн ая зохион Б.Бадар-Ууган дуулснаас хойш бараг дуулагдсангүй. Тэр тусмаа хүүхэд юунд дуулах билээ дээ. Харин даруухан, гайхалтай мэдрэмжтэй энэ хүү одоо дуулж, түүнийг Та сонсож байна. Гитарын цэнхэр аялгуун дор “Золбоот чи түмний зүрхэнд оч бадрааснаар...” хэмээн дуулна. 28 дугаар сургуулийн “Галт шувуу” хамтлагийн Мөнгөн-Эрдэнэ. Сайхан байгаа биз дээ? Тийм ээ, та ингээд “Азтай би халуун илчийг олж гялайжээ” хэмээнэ.